Задума праекту «Re:Песняры» ў тым, каб паказаць наколькі паўплывала музыка «Песняроў» на новае пакаленне беларускіх музыкантаў. Таму ў ім бяруць удзел прадстаўнікі самых розных стыляў, ад джазу і авангарду да рэп-музыкі і індзі-року. У асноўным гэта гурты, якія пачалі працу ўжо ў новым стагоддзі. Падбор менавіта гэтых выканаўцаў невыпадковы – кожны з іх зьяўляецца не толькі вартым увагі і арыгінальным музыкам, але яшчэ і цікавай ды яскравай асобай, прадстаўнікамі культурнай эліты краіны. Яны не толькі музыканты, але разам з тым акторы, мастакі, паэты, педагогі, даследчыкі…
Кожны з іх абраў тую самую песню, якую лічыць найбольш важнай для сябе. Такім чынам, Akute пяюць «Алесю», Pomidor/off – «Скрыпяць мае лапці», Зміцер Вайцюшкевіч – «Вераніку». Поўны трэк ліст праекту можна паглядзець тут.
Своеасаблівым лэйтматывам праекту стала песня «Думалі», якую выконвае дуэт SP Kava&Angst. Менавіта яна гучыць у прома-роліку аўтарства рэжысэра Арцёма Лобача.«Трэк “Думалі” – гэта ліст ад прадстаўнікоў сённяшняга пакалення — і Ўладзіміру Мулявіну, і Янку Купалу. Ліст пра час, у якім мы жывем, чым мы жывем і пра тое, якія мы самі. За рытмічную аснову ўзятае зашыфраванае ў купалаўскім вершы асананснае слова “думалі”, што ўтвараецца на стыку словаў у радку «Я буДУ МАЛІцца і сэрцам і думамі». Менавіта ў гэтым і быў пабачаны ключ да пэўнай спробы дыягназу пакаленню: вялікая колькасць магчымасцяў і спосабаў існавання і ў якасці ключа — малітва за будучыню Беларусі», – кажуць аўтары твору.
Праект «Re:Песьняры» прадстаўляюць інтэрнэт-партал Tuzin.fm, фонд «Вяртаньне» і грамадзкая кампанія «Будзьма беларусамі!».
Прома-ролік праекту — https://www.youtube.com/watch?v=XuO8oOShHTo
12 верасня (пятніца). Re:Public (вул.Прытыцкага, 62, ст.м.»Кунцаўшчына»). 18.00 – 22.00
Re:Песняры. Прэм’ера музычнага праекту да 45-годдзя «Песняроў»: Tonqixod, Naka, Pomidor/off, Сяргей Пукст, Зміцер Вайцюшкевіч, Akute. Пры ўдзеле беларускага дзяржаўнага ансамблю «Песняры». Кошт квіткоў: 100 000 (танцпляц, папярэдне), 130 000 (столікі, папярэдне). Даведкі па тэл. 375 (29) 6872093.
Набыць квіткі:
паб-клюб “Графіці” (зав.Калініна, 16) – танцпляц
касы Kvitki.by па ўсёй Беларусі – танцпляц і столікі
касы клюба Re:Public (вул.Прытыцкага, 62) – танцпляц
Продаж он-лайн:
праз сайт Kvitki.by – танцпляц і столікі
праз сайт клюбаRe:Public – танцпляц