7-17 красавіка 2015 года, 17.00
Галерэя сучаснага мастацтва «Ў» (пр. Незалежнасці 37а)

Выстава «Крытычная зборка: Людзі і атамы»

Атам і космас у значнай ступені сфармавалі ўяўленне эпохі позняга сацыялізму і вызначылі структуру яе тэхнакратычнага бессвядомага. Асваенне новай крыніцы энергіі абяцала ператварыць камуністычную ўтопію ў навукова-тэхнічны праект. Культурнымі героямі 1950-1960-х — «праметэямі ядзернага веку» — сталі фізікі, а сам атам быў і застаецца адным з ключоў да коду таго часу.

Обнінск, які паўстаў за 100 кіламетраў ад Масквы з сакрэтнай Лабараторыі «В» праз два гады пасля запуску Першай у свеце АЭС, быў горадам фізікаў. А яшчэ — радыёмедыкаў, ядзерных метэаролагаў, радыёхімікаў, будаўнікоў «сярэдняга машынабудаўніцтва».

Тут ствараўся савецкі атамны кластар. Тут і да сёй пары жывуць тыя, хто паўстагоддзя таму голымі рукамі і маніпулятарамі ўтаймоўваў «мірны атам», а значыць — ведае пароль доступу да эпохі.

Аповеды і фатаграфіі НТР-аўцаў, іхнія сямейныя архівы і мемуары, жывыя галасы і падшыўкі гарадскіх газет, сабраныя супрацоўнікамі Обнінскага лічбавага праекта ў 2012-2014, сталі матэрыялам для нашай крытычнай сборкі. Пазычыўшы гэтую мадэль у фізікаў-ядзершчыкаў, мы разлічваем ператварыць выставу ў прыладу асаблівага роду, якая падтрымлівае вытворчасць ведаў праз накапленне і курацыю дадзеных. Экспазіцыя задуманая як «ручны» прататып даследчага сайта, дзе можна не толькі дакрануцца рукамі да гарачых дадзеных, але і засцігнуць веды ў працэсе станаўлення і (раз)дзялення.

Куратары: Арлова Галіна (Растоў-на-Доне/Масква/Вільнюс),Ненарокамава Наталля (Віцебск/Вільнюс).

Дызайн: Сотнікава Кацярына (Санкт-Пецярбург), Сергей Лідзія (Вільнюс)

Куратар дадзеных: Касаткіна Аляксандра (Санкт-Пецярбург), Абрамава Алена (Растоў-на-Доне), Шаўчэнка Ганна (Растоў-на-Доне), Іванова Аляксандра (Растоў-на-Доне), Шавялёў Ягор(Растоў-на-Доне), Аліна Кім (Растоў-на-Доне), Эла Чарпасава (Растоў-на-Доне).

Гук: Вазьянаў Андрэй (Санкт-Пецярбург)

Відэамантаж: Тапчан Артур (Масква)

Асістэнты/сябры выставы: Хлопцава Алена (Мінск), Хазяніна Настасся (Вільнюс), Градовіч Юлія (Вільнюс), Шваякава Наіла (Вільнюс), Леоненка Маргарыта (Вільнюс).

Партнёры: Обнінский лічбавы праект, Еўрапейскі гуманітарны ўніверсітэт (Вільнюс), Галерэя сучаснага мастацтва «Ў» (Мінск), Праграма ReSET (Будапешт), РАНГіДС (Масква), РДНФ (Расія), Паўднёвы федэральны ўніверсітэт (Растоў-на-Доне).

Адкрыццё выставы адбудзецца а 17.00 гадзіне.

А 18.00 гадзіне адбудзецца лекцыя-даведнік Галіны Арловай па выставе «Крытычная зборка: людзі і атамы»: Ядзерны асамбляж: навошта даследчыкам выстава?