У межах выставы «Мінск. Нонканфармізм 1980-x»

28 КРАСАВІКА, 19-00
Галерэя сучаснага мастацтва «Ў» (пр. Незалежнасці 37а)

ПРЭЗЕНТАЦЫЯ АЛЬБОМА ІГАРА САЎЧАНКІ

У сакавіку ў серыі «Калекцыя пАРТызана» выйшаў чарговы альбом — «Забытае галоўнае» знакавага беларускага фатографа Ігара Саўчанкі. З гэтай нагоды запрашаем на сустрэчу з мастаком і афіцыйную прэзентацыю каталога. У праграме: відэа пра Ігара Саўчанка, расповяд пра ягоныя праекты і будучыя планы.

«Фатаграфіі Ігара Саўчанкі ні ў якім разе не настальгічныя. Як бы ні спрабавалі пераканаць гледача ў адваротным палітра, драпіны й каляровыя плямы, няроўныя краі, для мяне гэтыя фатаграфіі — наўпростая супрацьлегласьць настальгіі. Яны — увасабленьне абсалютнай прысутнасьці…» / Ёрг Альбрэхт

Ігар Саўчанка

Нарадзіўся ў Менску ў 1962 годзе. З канца 1980-х займаецца фатаграфіяй. У 1991 годзе атрымлівае Прэмію Кодак-Патэ на Міжнародным салоне фатаграфіі ў Рояне (Францыя). Акрамя фатаграфіі піша тэксты і прозу. З 1998 па 2005 гады стварае шэраг праектаў на базе тэкстаў і змяшанай тэхнікі. Фатаграфіі Ігара Саўчанкі знаходзяцца ў прыватных і публічных калекцыях многіх краін, у тым ліку Дзяржаўным Рускім Музеі (Санкт-Пецярбург), Brandts Museet for Fotokunst (Адэнсе, Данія), Fotografiska Museet — Moderna Museet (Стакгольм, Швецыя), Fotomuseum München (Мюнхен, Германія), KIASMA — Museum of Contemporary Art (Хельсінкі, Фінляндыя), Museum of Fine Arts (Хьюстан, штат Тэхас, ЗША).

Заснаваная ў 2009 годзе, серыя «Калекцыя пАРТызана» плануе сабраць the best беларускага арту — 32 альбомы (колькасць літараў у беларускім альфабэце), якія разам складуць унікальную энцыклапедычную візуальную азбуку, галерэю найноўшага беларускага мастацтва.

Уваход вольны!