24 верасня ў 17.30 запрашаем Вас на адкрытую сустрэчу з удзельнікам праекта Рымалдасам Вікшрайцісам. Адкрыццё выставы адбудзецца 24 верасня ў 19.00.

24.09. — 18.10.2015
Галерэя сучаснага мастайтва «Ў» (пр.Незалежнасці 37а)

Каўнасская Фотагалерэя, галерэя сучаснага мастацтва «Ў» прадстаўляюць праект брытанскага фатографа Марціна Пара і літоўскага фатографа Рымалдаса Вікшрайціса «Рэальны Свет»

Martin Parr. Great Britain, England, New Brighton From The Last Resort. 1982

Першая сустрэча гэтых двух фатографаў адбылася ў 2009 годзе ў рамках Еўрапейскага фестывалю фатаграфіі «Сустрэчы ў Арлі». Там Р. Вікшрайціс, вылучаны вядомым брытанскім фатографам Марцінам Парам, атрымаў узнагароду «Адкрыццё года». М. Пар пачаў сваю міжнародную кар’еру ў якасці фатографа ў горадзе Арль у 1986 г. аднак паміж фатографамі можна прасачыць больш канкрэтныя сувязі. Абодва аўтары адкрытыя да навакольнага свету і гатовыя паказаць трагікамічныя бакі нашага жыцця. Толькі адзін знаходзіць іх у глабалізаваным свеце, а другі — у маленькім правінцыйным мястэчку.

Як у фатаграфіі М. Пара, так і ў фотагісторыях Р. Вікшрайціса можна ўбачыць шокавыя скрайнасці гратэску, праявы дзіўных формаў, якія яны выбіраюць, сімвалы і незвычайныя ракурсы. Усе гэтыя элементы адпавядаюць асноўнай сіле мастакоў і пасланню, якое яны шлюць гледачам — адлюстраванне рэальнага жыцця.

Для гэтага фатограф М. Пар выкарыстоўвае свае сродкі: крытыку, гумар і спакусы. Такім чынам, здымкі брытанскага мастака арыгінальныя, гуллівыя і лёгка чытаюцца. Аднак, нягледзячы на пэўную прастэчу, аўтар пранікае ў глыбокія пласты быцця, паказваючы, як на самой справе мы жывем, як мы прадстаўляем сябе грамадству, і што мы цэнім больш за ўсё. Вольны час, спажыванне і камунікацыя — вось што даследуе гэты брытанскі фатограф на працягу некалькіх дзесяцігоддзяў падчас сваіх падарожжаў па ўсім свеце. Ён вывучае нацыянальныя асаблівасці і міжнародныя з’явы, каб высветліць, наколькі яны важкія як сімвалы, што дапамогуць будучым пакаленням зразумець нашыя культурныя асаблівасці.

Між тым, Р. Вікшрайціс у сваіх здымках дакументуе цесныя адносіны з рэальнасцю, быццам фіксуючы аб’ектыўны погляд на людзей без асаблівых прыхарошанняў, таму ягоныя творы нельга атаясамліваць ні з традыцыямі літоўскай фатаграфіі, ні з пераважнымі тэндэнцыямі сучаснай фатаграфіі.

Rimaldas Viksraitis Slaughter. 1999

Падчас выстаўнага праекта адбудзецца прэзентацыя праектаў Каўнаскай фотагалерэі і асобных творчых праектаў фотамастакоў, з якімі працуе галерэя.

24 верасня ў 17.30 запрашаем на адкрытую сустрэчу з удзельнікам праекта Рымалдасам Вікшрайцісам.

Адкрыццё выставы адбудзецца 24 верасня ў 19.00.

Уваход вольны.

Сачыце за праграмай мерапрыемстваў на нашай старонцы www.ygalllery.by

Асобная падзяка партнёрам праекту Аббасадзе Літоўскай Рэспублікі ў Рэспубліцы Беларусь і НДА Kulturos Ambasada, Літва