«Родныя & Блізкія» — новы спэктакаль Свабоднага тэатру!
Гэта дзесяць гісторыяў, напісаных беларускім драматургам Канстанцінам Сьцешыкам у 2011 годзе, якія аўтар выкладаў у сваім асабістым блогу — «Родныя & Блізкія». Пазьней Канстанцін выдаліў гэты блог, але, паводле словаў рэжысэра Ўладзімера Шчэрбаня, гэтыя гісторыі засталіся ў ягонай памяці: «Дзесяць напаўмістычных гісторыяў, трохі болей сьмерцяў — лепшага матэрыялу для канца сьвету й не прыдумаеш».
Рэжысэр — Уладзімер Шчэрбань (рэпэтыцыі праз скайп). У спэктаклі занятыя акторы асноўнай трупы й студэнты студыі «Фарцінбрас».
21 сьнежня а 19-й гадзіне Свабодны тэатар запрашае сваіх прыхільнікаў сустрэць канец сьвету разам зь імі!