15 лютага ў Амстэрдаме былі абвешчаныя пераможцы 56-га конкурсу «World Press Photo». Узнагароды ўручаліся ў дзевяці тэматычных катэгорыях сярод 54 фатографаў з 32 краінаў.
Гран-пры атрымала фатаграфія Паўля Хансэна (Paul Hansen) з швэдзскай штодзённай газэты «Dagens Nyheter». На фотаздымку паказаная група мужчынаў, што ідзе праз вуліцу ў горадзе Газа зь целамі двух дзяцей. Двухгадовая Сухаіб Хіджазі й ейны старэйшы брат Мухамад былі забітыя бомбай, што трапіла ў іх дом падчас ізраільскага ракетнага налёту. Здымак быў зроблены 20 лістапада 2012 году ў горадзе Газа на палестынскай тэрыторыі.
Маю Мохана, член журы з Пэру, фатограф і куратар, так пракамэнтаваў гэтую ўзнагароду:
«Сіла фатаграфіі тут палягае ў кантрасьце гневу й смутку дарослых зь нявіннасьцю дзяцей. Гэта здымак, які я не забуду».
Крыніца \ worldpressphoto.org