У лістападзе адукацыйны праект «КРОКІ: шляхам беларускай культуры» у Віцебску распачаў курс адукацыйных сустрэчаў для моладзі. Цягам месяцу ў горадзе прайшлі 4 сустрэчы з экспертамі ў розных сферах культуры, якія распавядалі пра самае сучаснае і цікавае ў беларускай культуры.
30 лістапада ў 17-00 у антыкавярні Time-out у Віцебску адбудзецца творчая сустрэча з беларускім мастаком і пісьменнікам Артурам Клінавым, аўтарам раманаў «Малая падарожная кніжка па Горадзе Сонца», «Шалом» і «Шклатара», рэдактарам медыя праекта «pARTisan».
Да гэтага Віцебск ужо наведалі: рэжысёр Андрэй Саўчанка са спектаклем «Бі-лінгвы, ці Кураня з сэрцам», паэты Ўладзь Лянкевіч і Андрэй Хадановіч, рок-гурт Re1ikt.
Курс імпрэзаў разлічаны на школьнікаў, студэнтаў і актыўную творчую моладзь, а таксама ўсіх, хто хоча даведацца больш пра культурныя з’явы і падзеі ў сучаснай Беларусі.
Кантакты для сувязі: Вікторыя (+37529 3530196).