Галяндзкі архітэктар Рэм Колхас прызначаны куратарам XIV Архітэктурнай біенале ў Вэнэцыі, якая пройдзе ў 2014 годзе. Рашэньне было прынятае чальцамі кіраўніцтва Вэнэцыянскай біенале на чале зь ейным дырэктарам Паола Баратай, якія назвалі Колхаса адным з найвялікшых дзеячоў сёньняшняй архітэктуры. Як паведамляецца на сайце Building Design, Колхас, у сваю чаргу, адзначыў, што паспрабуе са сваёй камандай па-новаму паглядзець на базавыя архітэктурныя элемэнты.
Рэм Колхас зьяўляецца ляўрэатам Прытцкераўскай прэміі, уладальнікам «Залатога льва» Вэнэцыянскай біенале, аўтарам праектаў Ратэрдамскага мастацкага музэю, амбасады Нідэрляндаў у Бэрліне, галерэі «Сэрпэнтайн» у Лёндане й шматлікіх іншых будынкаў.
Больш інфармацыі на афіцыйным сайце labiennale.org
Фатаграфіі © archi.ru.
Крыніца \\ lenta.ru