Адкрыты форум пластычных і танц-тэатраў «ПлаSтформа Мінск» упершыню быў праведзены ў Мінску ў мінулым годзе. Яго ініцыятарамі і арганізатарамі выступілі Вячаслаў Іназемцаў (пластычны тэатр «ІнЖэст», Мінск), Аляксандр Цебянькоў (танц-тэатр «Галерэя», Гродна), Іна Асламава (гурт «Quadro», Гомель).
Тады ў рамках форуму адбыўся паказ 10 розных калектываў з Беларусі. Быў праведзены шэраг майстар-класаў, у тым ліку з удзелам польскіх спецыялістаў — Юзэфа Маркоцкага і Анны Круліцы. Тады ж адбылася і дыскусія, прысвечаная праблемам развіцця пластычнага і танцавальнага тэатраў у Беларусі, дзе была агучана асноўная цяжкасць правядзення мерапрыемстваў такога кшталту — адсутнасць зацікаўленасці як з боку дзяржавы, так і з боку незалежных арганізацый.
У гэтым годзе «ПлаSтформа» будзе праходзіць ужо пры падтрымцы Цэнтра візуальных і выканальніцкіх мастацтваў «Арт Карпарэйшн» пры ўдзелу Міністэрства культуры Рэспублікі Беларусь. А дзякуючы падтрымцы Інстытута польскага стала магчымым запрасіць польскі калектыў — «Teatr Formy» (Вроцлаў).
Плануюцца таксама майстар-класы і лекцыі польскіх і беларускіх спецыялістаў. Мерапрыемствы пройдуць на 5 розных пляцоўках Мінска.
Пра тое, чаго чакаць ад цяперашняга Форуму, пра канцэпцыю і місію «ПлаSтформы», а таксама пра праблемы, з якімі працягваюць сутыкацца ініцыятары падобных мерапрыемстваў на прэс-канферэнцыі раскажуць — Вячаслаў Іназемцаў (тэатр «ІнЖэст»), Анжэла Крашэўская («Арт Карпарэйшн»), Аляксандр Цебянькоў (танц-тэатр «Галерэя»), Іна Асламава (гурт «Quadro»), Вольга Скварцова («Skvo’s Dance Company»), Святлана Ўланоўская (балетны крытык і даследчыца сучаснага танца).
Кантакты для акрэдытацыі і даведак:
e-mail: plastform.minsk @ gmail.com
Вячаслаў Іназемцаў (тэл. 29 394 08 03)
Аляксандра Губская (тэл. 44 728 71 44)
Пачатак а 19-й гадзіне
Палац культуры чыгуначнікаў (вул. Чкалава, 7)
11 лютага — Пластычны тэатр «ІнЖэст» (Мінск) і гурт «Плато» — спектакль «РАМОНТ»
12 лютага — Адэкватны тэатр «вКубе» (Мінск ) — «Аніма»
— Эксперыментальны тэатр «T( e )=Art» (Мінск ) — «Насельнікі Смерці»
13 лютага — Тэатр танца «Каракулі» (Мінск) — «Атракцыён з абмежаванай адказнасцю»
— Юзэф Маркоцкі («Teatr Formy», Вроцлаў, Польшча) — мона-спектакль «Бог Сонца»
14 лютага — Тэатральная лабараторыя «Fortinbras» (Мінск) — «Чайка»
Вечар малых формаў:
— Тэатр-студыя сучаснай харэаграфіі Д.Юрчанка (Віцебск) — «Пераклад»
— Студыя сучаснага танца «Паралелі» (Віцебск) — «Захавальнікі»
— «Skvo’s Dance Company» (Мінск) — «Я ў n- ай ступені», «Секунда» (сумесна з гуртом «Port Mone»)
Маладзёжны тэатр эстрады (вул. Маскоўская, 18а)
15 лютага — «Laboratory Figures Oskar Schlemmer» (Магілёў) — «Мертвыя ды Жывыя фігуркі»
16 лютага — Група сучаснай харэаграфіі «Quadro» (Гомель) — «Right, left, middle» (work in progress)
— Танц-тэатр «Галерэя» (Гродна) — «Прыходзяць і сыходзяць», «Двойчы два»
Закрыццё Форуму!
У рамках «ПлаSтформы Мінск-2014» плануецца таксама:
— Правядзенне дыскусій-абмеркаванняў з гледачамі пасля кожнага спектакля;
— Майстар-класы Рышарда Каліноўскага («Lubelski Teatr Tanca», Люблін, Польшча), Юзэфа Маркоцкага («Teatr Formy», Вроцлаў, Польшча), Валянціны Мароз (Мінск), Іны Асламавай (Гомель), Вячаслава Іназемцава (Мінск);
— Лекцыі Вольгі Лабоўкінай і Святланы Ўланоўскай.
Нашыя партнёры:
Цэнтр візуальных і выканальніцкіх мастацтваў «Арт Карпарэйшн», Польскі інстытут, Галерэя сучаснага мастацтва «Ў», медыя праект «pARTisan», Платформа перфарматыўных практык «зЕрне», ArtAktivist / Theatre
Інтэрнэт-парталы: tut.by, 4dance.by, kyky.org, dverifest.org, open.by, kultprosvet.by