Складана адказаць адназначна, бо мне ўласьцівы крытычны позірк. Увогуле гэты год стаўся багатым на буйныя праекты, асаблівасьцю якіх было тое, што куратарамі выступілі мастакі. Напрыклад, Руслан Вашкевіч у «Радыюсе нуля» (завод «Гарызонт», Менск, сакавік), Міхаіл Гулін у «Палацавым комплексе» (Гомель, травень — чэрвень), Сяргей Шабохін у «Мэтабалізьме жывапіснай прасторы» Сяргея Кірушчанкі (Палац мастацтваў — Галерэя сучаснага мастацтва «Ў», Менск, чэрвень). Трэба ўзгадаць актыўную дзейнасьць Андрэя Лянкевіча як арганізатара й мэнэджэра — выстава  «World Press Photo 2012» (Галерэя сучаснага мастацтва «Ў», Менск, сьнежань 2012) . Адзначу таксама выставу «На Захадзе ад Усходу» Лены Прэнц (Галерэя сучаснага мастацтва «Ў», Менск, верасень) і ўдзел Марыны Напрушкінай у Бэрлінскай біенале.

Але асабіста для мяне самай запамінальнай падзеяй стаўся спэктакаль «Пэрсона. Мэрылін» (фэстываль «ТЭАРТ», Менск, кастрычнік), з папраўкай, канешне, што канец сьвету сёньня ўсё ж не надыйдзе.

Фатаграфія © Жаны Гладко